Investigashon ta un parti importante di MDT. Pa medio di investigashon, nos ta haña mas komprenshon di e balor di MDT, sa kiko ta bai bon i kiko por bai mihó. Resultado di e investigashon ta nesesario tambe pa por responsabilisá MDT.

Nos a stipulá algun kondishon di partisipashon pa bo partisipashon den e investigashon akí. Si bo disidí di partisipá den e investigashon akí, bo ta bai di akuerdo ku e kondishonnan di partisipashon i ku e deklarashon di privasidat.

E kondishonnan di partisipante

E kondishonnan di partisipashon akí ta aplikabel na tur investigashon di MDT ku e buró independiente di investigashon, Verian, ta reaisá riba enkargo di Ministerio di OCW (Ministerio di Enseñansa, Kultura i Siensia). Ta realisá e investigashon akí di akuerdo ku Artíkulo 89 di Algemene Verordening Gegevensbescherming (AVG). (Reglamento General di Protekshon di Dato).
Ministerio di OCW lo no desviá di e kondishonnan di partisipashon akí den ningun kaso individual.
E investigashon di MDT ta un investigashon kontinuo pa henter e durashon di MDT. Lo warda e datonan di e investigashon na e buró di Verian te un máksimó di 5 aña despues di finalisá un proyekto di MDT (kaminda e partisipantenan a sigui un trayekto di MDT). Despues di e periodo akí, Verian lo anonimisá e datonan di e investigashon.
Pa por partisipá den e investigashon di MDT, un hóben mester tin por lo ménos 12 aña di edat, i e mester tin un adrès di e-mail (di skol) i/òf un number di telefòn selular. Asta si un partisipante no tin un adrès di e-mail òf un number di telefòn selular, òf e no ke kompartí e esakinan akí, tóg e por partisipá den e investigashon (mirá punto 7). Si esaki ta e kaso, e partisipante mester indiká esaki na e proyekto di MDT kaminda e ta sigui e trayekto. E proyekto di MDT e ora ei por hasi un petishon pa esaki na e buró di Verian.
Partisipashon den investigashon ta un kondishon pa por partisipá den e trayekto di MDT. Si un hóben no partisipá den e investigashon di MDT, i durante e periodo di un aña e no reakshoná riba e invitashonnan pa partisipá den investigashon, por disidí di no konsider'é mas komo un partisipante i lo para su partisipashon. Kualke rekompensa òf sertifikado ku e hóben no a risibí ainda por kaduká i no ser entregá mas na e hóben.
Ta registrá di kada partisipante un par di dato básiko (e organisashon di MDT òf e partisipante mes ta hasi esei) promé ku e por tuma parti den un investigashon di MDT. Parti di e datonan akí ta inkluí nòmber, adrès, sekso, fecha di nasementu i dato di kontakto (adrès di e-mail i/òf number di telefòn selular). E partisipantenan mes ta responsabel pa eksaktitut i korekshon di e datonan personal ku nan ta duna e organisashon di MDT.
Un hóben ku ta partisipá individualmente tin e posibilidat pa, a base di su situashon spesífiko, pone opheshon kontra prosesamentu di su datonan personal pa investigashon. Por entregá un petishon asina na e proyekto di MDT kaminda e hóben ta sigui òf a sigui su trayekto. Den konsulta ku e hóben, e proyekto di MDT, ainda, por permití e hòben partisipá (anónimamente) via un areglo di "opt-out".
Ta warda e datonan personal di e partisipantenan manera nòmber, adrès òf number di telefòn (den kaso di opt-in) den e portal di MDT, i nan ta keda disponibel pa e proyektonan di MDT kaminda e partisipantenan ta sigui nan trayekto. Solamente Verian por mira e datonan akí pa por detektá kualke problema tékniko (relashoná ku dato) pa por kontestá asina pregunta di e proyektonan di MDT. P'esei, no ta kompartí dato personal nunka ku Ministerio di OCW, i e Programa di MDT i e rapòrtnan di investigashon ku ta ser trahá a base di kontesta di e partisipantenan semper ta anónimo.
Ta posibel ku e proyekto di MDT ta registrá e datonan personal di un partisipante òf ku e partisipante mes ta registrá via e kuestionario di registrashon. E proyekto di MDT ta duna e partisipantenan lenk di e kuestionario di outoregistrashon. E invitashon pa yena e kuestionario di inisio ta ser mandá outomátikamente via e-mail òf SMS for di e sistema di investigashon di Verian despues ku e organisashon di MDT kaminda e partisipante ta sigui un trayekto a registrá e partisipante òf despues ku e hóben a registrá su mes. E e-mail akí huntu ku e invitashon ta ser firmá outomátikamente pa e proyekto di MDT kaminda e partisipante ta sigui su trayekto.
E partisipantenan por inskribí nan mes un máksimo di dos biaha komo partisipante pa un trayekto di MDT i e investigashon di MDT. Si nan inskribí pa un di dos biaha, nan mester pone un ‘2’ tras di nan nòmber òf fam na momento di registrashon. Si e partisipante ta partisipá pa un di dos biaha, i e ta registrá pa e proyekto di MDT, e proyekto di MDT mester pone un “2” tras di su nòmber òf su fam. Un adrès di e-mail di un partisipante por ser uzá dos biaha pa inskribí komo partisipante den e investigashon di MDT.
Verian, Ministerio di OCW i e Programa di MDT ta hasi hopi esfuerso pa mantené e plataforma di investigashon di MDT semper aksesibel i operashonal, pero nan no ta responsabel pa ningun momento di inaksesibilidat (temporal) di e wèpsait òf pa risibimentu di kontesta inkompleto riba pregunta. E proyekto di MDT por tene atministrashon di partisipante den e plataforma di investigashon i uzá esaki komo prueba di partisipashon.
No ta pèrmití e partisipantenan kompartí (parti di) e investigashon ku otro persona.
Si tin otro kondishon òf kondishon adishonal ku ta aplikabel na un parti spesífiko di e kuestionario, lo presentá esakinan na e partisipantenan promé ku nan tuma parti.
Ministerio di OCW ta keda ku e derecho pa terminá partisipashon di un hóben den un investigashon di MDT na kualke momento sin aviso previo den kaso di froude (por ehèmpel, si laga un robòt yena kuestionario òf duna informashon inkorekto i/òf engañoso intenshonalmente) òf den kaso ku e hóben no kumpli ku e disposishonnan den e kondishonnan di partisipashon akí òf si e hóben pone kontinuidat di e investigashon na peliger, pasobra e ta upload software dañino. Kualke rekompensa òf sertifikado ku ainda no a entregá na e hóben por keda anulá.
Si un hóben mes terminá su partisipashon den e trayekto di MDT òf e investigashon (prome ku tempu), e kontestanan ku ya a kompilá por ser uzá pa e investigashon di MDT andando.
Ministerio di OCW por kambia e kondishonnan di partisipashon na kualke momento, ku eksepshon di e disposishonnan relashoná ku e datonan di investigashon anonimisá (mira punto 8).
Si bo tin pregunta òf reklamo, por fabor, tuma kontakto ku Verian via: mdt@veriangroup.com. Verian tin un areglo pa manehá reklamo, i e ta hasi esfuerso pa kontestá e-mail den 1 dia di trabou. Ta kompartí e reklamonan ku Ministerio di OCW (anónimamente òf no) si esei ta aplikabel i den konsulta ku e persona ku a hasi e reklamo,
E deklarashon di privasidat di Ministerio di OCW ta aplikabel na e prosesamentu di dato personal akí i por konsult'é via: https://www.rijksoverheid.nl/ministeries/ministerie-van-onderwijs-cultuur-en-wetenschap/privacy
Por konsultá e kondishonnan di partisipashon na diferente idioma (hulandes, ingles, arabir i papiamentu) riba e wèpsait di MDT: Deelnemersvoorwaarden MDT-onderzoek — Maatschappelijke Diensttijd
Lei hulandes ta aplikabel na e kondishonnan akí.

Originalmente establesí na Den Haag, dia 24 di febrüari 2022
Último biaha revisá, dia 28 di mart 2025

------------------------------------------------------------------------------------------------------------.